सफल पालिकाका सफल मेयर कार्की

काठमाडौं महानगरपालिकालाई समेत उछिनेर अहिले देशभरीको नगरपालिका मध्य उत्कृष्ट नगरपालिका बन्न पुगेको कागेश्वरी मनोहरा नगरपालिकाको महत्त्व र स्थान आफ्नै छ । संघीय राजधानी काठमाडौं उपत्यकाको उत्तरपूर्वी भागमा अवस्थित कागेश्वरी मनोहरा नगरपालिकाले पछिल्ला केही वर्ष यता निकै चर्चा पाउँदै आएको छ। जसको श्रेय नगरका प्रमुख उपेन्द्र कार्कीलाई दिँदा पनि फरक नपर्ने अवस्था छ ।

मेयर कार्कीको नेतृत्व र काम गर्न सक्ने कलाको कारण अहिले नगरले हरेक क्रियाकलापहरुमा आफूलाई अब्बल तुलाई रहेको छ।

धार्मिक संस्कृति, प्राकृतिक सौन्दर्य, खेलमय बातावरण देखि हरियाली वातावरणले भरिएको यो नगरमा देखिएको नागरिकमैत्री सेवा र विकास योजनाका कारण पनि उपत्यकाकै नमुना नगरपालिका बन्न पुगेको छ।

विगतमा महानगरको परिधिमा रहेको यो नगपालिकाले छुट्टीएको एकदशक पनि नपुग्दै आफूलाई अब्बताको बाटोमा आफूलाई लम्काएको छ।

नगर घोषणा भएको पहिलो बर्ष नगरले खासै उपलब्धि नगरे पनि दोस्रो कार्यकालको लागि मेयर पदमा जब मेयर कार्कीको उदय भयो, त्यसपछिका दिनहरूमा नगरले विकासको गतिको लागि पछाडि फर्केर हेर्नु पर्ने अवस्था सृजना हुन पाएन ।

सामान्य परिवारमा जन्मिएका, सानैदेखि समाजसेवामा रुचि राख्ने र जनताको पीडा बुझ्ने स्वभाव भएका मेयर कार्की आफैमा एक विकासप्रेमी हुन्।

कागेश्वरी मनोहराको मेयरको रूपमा पदबहाली भए संगै उनले नगरको पहिलो बैठकमा घोषणा गरेका थिए “आफू पदका लागि हैन की आफ्नो पहिलो प्राथमिकता भनेको जनताको विश्वास र नगरको विकास हो ।”

मेयर कार्कीको यही प्रणले गर्दा अहिले नगरले अब्बल दर्जा लिएको छ। नगरले शिक्षा, स्वास्थ्य, भौतिक पूर्वाधार, खेलकूद र वातावरणमैत्री जस्ता योजनाहरुलाई प्राथमिकतामा राखेर काम सुरुगरेको थियो ।विद्यालयहरूमा निःशुल्क इन्टरनेट, विद्यार्थीहरूलाई निःशुल्क पुस्तक वितरण, प्रत्येक वडामा स्वास्थ्य चौकी, महिला र वृद्ध नागरिकका लागि निःशुल्क स्वास्थ्य परीक्षणजस्ता कार्यक्रमहरूले पनि नगरलाई अगाडि बढ्न मद्दत पुगेको छ ।

जनताको दैनिक कार्यविधिलाई हरेक पल ध्यान दिएर आफ्नो योजनाहरुलाई अगाडि बढाउन सक्ने खुबी मेयर कार्कीमा रहेको कारण पनि अहिले नगर चर्चाको शिखरमा रहेको छ।

कार्की नेतृत्त्वले नगरको सडक र सरसफाइको क्षेत्रमा ठूलो उपलब्धि हासिल गरेको छ । फोहोरमैला व्यवस्थापनमा नयाँ प्रविधि र घरमै फोहोर वर्गीकरण गर्ने अभ्यासलाई पनि नगरले अगाडि सारेको छ । जसको कारण नगर अहिले सफा र हराभरा बन्दै गएको छ ।

नगरलाई “सर्वोत्तम” बनाउन मेयर कार्कीले सुरु गरेका जनसहभागिता मुलक कार्यक्रम’ले अहिले नगरको मुहार फेरिँदै गएको छ। जनता सँग प्रत्यक्ष संवाद गर्ने, समस्या सुन्ने र तत्कालै समाधान गर्ने प्रथा पनि नगर प्रमुख कार्कीको पहलमा सुरु गरिएको छ । जसको कारण मेयर र नागरिक बिचको दूरीलाई नजिक्याउन सहज बनेको छ।

अहिले कागेश्वरी मनोहरा नगरपालिका अन्य नगरपालिकाका लागि प्रेरणादायी बनेको छ। नगरबासी भन्छन्, “सफा सडक, उज्यालो बत्ती, डिजिटल सेवा र सुखद जीवन यही हो हाम्रो नगर।”

नगरको सफलताको श्रेय भनेको मेयर कार्कीले नै हुन् । जसको कुशल नेतृत्व र नगरप्रतिको इमान्दारीता पनि हो ।

कागेश्वरी मनोहरा नगरपालिका अहिले अन्य नगरपालिकाहरुको लागि उदाहरण पनि बनेको छ। ईमानदार नेतृत्व र जनताको सहभागिता नै हो भन्दा फरक नपर्ला । कुनै पनि नगरलाई नेपालकै मात्र होइन, विश्वकै नमुना बनाउन सकिन्छ भन्ने कुराको अर्को उदहारण हो कागेश्वरी मनोहरा नगरपालिका ।

यसरी नगरको सबल नेतृत्व दिएर नगर लाई देशभर परिचित गराउन सफल भएका मेयर कार्कीमा देखिएको जनभावनाको कदर पनि नगर विकासको अर्को पाटो हो । कार्कीमा सबैलाई समेटेर लैजान सक्ने अदभुत कला छ । जसलाई नगरका हरेक नगरबासीहरुले नजिकबाट नियालिरहेका छन् ।

सफल पालिकाका सफल मेयर कार्की

कम्मेंट्स (0/10)

सम्बन्धित खबरहरू

विराट इन्फर्म्याटिक्स प्रा. लि.

हाम्रो टिम

सम्पर्क

एप डाउनलोड गर्नुहोस्