बिराटइन्फो - लेख लेखन प्रतियोगिता २०२५

परिचय

बिराटइन्फो, नेपालको तीव्रगतिमा बढिरहेको बहुभाषिक समुदाय-आधारित अनलाइन समाचार पोर्टलले लेख लेखन प्रतियोगिता २०२५ को सुरुवातको घोषणा गर्दछ। यो पहल नागरिक पत्रकारिता र सृजनात्मक अभिव्यक्तिलाई लेखमार्फत प्रोत्साहन गर्ने उद्देश्यले गरिएको हो, जसले विभिन्न पृष्ठभूमिबाट आएका व्यक्तिहरूलाई आफ्ना विचार, कथा, राय, सिकाइ, भोगाइ तथा अनुभवहरू आफ्ना तथा समुदायका महत्वपूर्ण विषयहरूमा सम्प्रेषण गर्न उत्प्रेरित गर्दछ।

तपाईं लेखक हुनुहुन्छ वा पत्रकारिता, सञ्चार, व्यवस्थापन, चिकित्सा, सूचना प्रविधि, होटल व्यवस्थापन, नर्सिङ जस्ता कुनै पनि क्षेत्रमा अध्ययनरत विद्यार्थी हुनुहुन्छ, वा सामाजिक विषय, राजनीति, संस्कृति वा विकासप्रति उत्साही हुनुहुन्छ, अथवा पेशेवर, विदेशबाट फर्किएका श्रमिक, वा आफ्नो आवाज फैलाउन वा अभिव्यक्त गर्न चाहने कोही व्यक्ति—नीति विरुद्ध गुनासो गर्ने, सरकारी कार्यप्रति प्रतिक्रिया दिने, कुनै सामाजिक कार्य वा व्यक्तिप्रति आभार व्यक्त गर्ने, वा पर्यटन, स्वास्थ्य, शिक्षा वा रोजगारीबारे लेख्ने इच्छुक यस प्रतियोगिताले तपाईंलाई आफ्नो आवाजलाई विश्वव्यापी रूपमा फैलाउने एउटा महत्वपूर्ण अवसर प्रदान गर्दछ।

बिराटइन्फो अनलाइन मिडिया प्लेटफर्म हो, जसले सबैलाई समेट्ने र सहभागितामूलक पत्रकारितामा प्रतिबद्धता जनाउँछ। “हरेक व्यक्तिसँग साझा गर्न लायक कथा, जानकारी, गुनासो, विचार हुन्छ” भन्ने अवधारणामा आधारित बिराटइन्फोले सामान्य व्यक्तिहरूलाई स्थानीय शासन र राजनीति देखि लिएर संस्कृति, प्रविधि, सामाजिक न्याय र अन्य विषयसम्मका समाचार, लेख, सूचना र विचारहरू योगदान गर्न सशक्त बनाउँछ।

बिराटइन्फोको विशेष पहिचान यसको बहुभाषिक दृष्टिकोण हो, जसअन्तर्गत योगदानकर्ताहरूले आफ्नो मनपर्ने भाषामा लेख्न सक्छन् र पाठकहरूले पनि आफ्नो रोजाइको भाषामा सामग्री पढ्न सक्छन्। हाल यस प्रतियोगितामा नेपाली, अंग्रेजी, हिन्दी, मैथिली, भोजपुरी, थारु, नेपाल भाषा, उर्दु, अरबी, कोरियन र संस्कृत भाषाहरूको सामग्री पोस्ट गर्न सकिन्छ ।

यो भाषिक विविधता बिराटइन्फोको समावेशिता, सांस्कृतिक सम्मान र राष्ट्रव्यापी सहभागिताप्रतिको प्रतिबद्धताको स्पष्ट प्रमाण हो।

आयु सीमा: १० देखि ७० वर्षका सबै व्यक्तिहरूलाई खुल्ला।

राष्ट्रियता: नेपाल र सार्क क्षेत्रका बासिन्दा तथा नागरिकहरू साथै विदेशमा बसोबास गर्ने नेपाली र हिन्दी भाषीहरूका लागि खुल्ला।  

अनुभव: कुनै पनि पूर्व पेशागत लेखन अनुभव आवश्यक छैन। सबैलाई सहभागिताका लागि स्वागत छ।

विषय र समुहहरु

प्रतिभागीहरूलाई बिराटइन्फो वेबसाइटमा उपलब्ध समूहहरू अन्तर्गत कुनै पनि विषयमा लेख बुझाउन प्रोत्साहित गरिन्छ। यी विषयहरूमा (तर यसैमा मात्र सीमित नभई) समावेश हुन सक्छ:

राजनीति र सुशासन, सामाजिक विषयहरू, स्वास्थ्य र शिक्षा, वातावरण र जलवायु, कला र संस्कृति, प्रविधि र नवप्रवर्तन, महिला सशक्तिकरण, युवा र रोजगार, स्थानीय समाचार र समुदायका कथा, साहित्य र विचार, पर्यटन, धर्म र दर्शन, खेलकुद र मनोरञ्जन, वैदेशिक रोजगार अनुभव, सिकाइ र भोगाई, स्थानीय पर्यटकीय आकर्षणहरू इतिहास, र अन्य विस्तृत जानकारी

एक जना ले १ भन्दा बढि लेख लेखन पोस्ट गर्नु पर्ने भएमा प्रत्येक लेख फरक समुहहरु अन्तर्गत लेख्नु पर्ने वा नयाँ विषय प्रस्तुत गर्ने शर्तमा लेख लेख्न सकिन्छ।

प्रतिभागीहरूले लेख, रचना, जानकारी बुझाउने, प्रोफाइल अपडेट गर्ने र फोटो स्रोत गर्ने सम्बन्धमा सहयोगका लागि ट्यूटोरियल भिडियोहरू पनि हेर्न सक्दछन् वा प्रत्येक दिन साँझ को ८ बजे देखि ८:४५ सम्म ( आइतवार - शुक्रबार ) डिजिटल जर्नालिजमको अनलाइन कक्षामा समेत समाबेस हुन सक्नेछन।  

गुगल मिट भर्चुअल लिंक : https://meet.google.com/tat-vvcq-pzu

लेखहरू पत्रकारिता, सञ्चार र साहित्यमा विशेषज्ञता भएका तीन स्वतन्त्र निर्णायकको प्यानलले समीक्षा गर्नेछन्। बुझाइएका लेखहरू तलका मापदण्डहरूका आधारमा मूल्याङ्कन गरिनेछ:

छानिएका लेखहरू बिराटइन्फोको मुख्य पृष्ठ र सामाजिक सञ्जालहरूमा प्रकाशित गरिनेछन्।

१. बिराटइन्फो लेख लेखन प्रतियोगितामा को को सहभागी हुन सक्छ?

१० देखि ७० वर्ष उमेरका सबैले सहभागी हुन सक्छन्। यो नेपालका नागरिक र विदेशमा बसोबास गर्ने नेपाली भाषीहरू दुवैका लागि खुल्ला छ। कुनै लेखन वा पत्रकारिता अनुभव आवश्यक छैन।

२. म कस्ता प्रकारका लेख बुझाउन सक्छु?

सहभागीले बिराटइन्फो वेबसाइटमा उपलब्ध विषयहरू जस्तै राजनीति, समाज, स्वास्थ्य, शिक्षा, वातावरण, संस्कृति, प्रविधि, स्थानीय समाचार आदिमा लेख लेख्न सक्छन्। विभिन्न वर्गमा बहु लेख पनि बुझाउन सकिन्छ।

३. म कुन भाषाहरूमा लेख बुझाउन सक्छु?

नेपाली, अंग्रेजी, हिन्दी, मैथिली, भोजपुरी, थारु, नेपाल भाषा, उर्दु, अरबी, कोरियन, र संस्कृत भाषाहरूमा लेख बुझाउन सकिन्छ।

४. लेखको शब्द सीमा कति हो?

सिफारिस गरिएको शब्द संख्या ५०० देखि १,२०० शब्दसम्म हो। लेख स्पष्ट शीर्षक, परिचय, मुख्य भाग र निष्कर्ष सहित व्यवस्थित हुनु आवश्यक छ।

५. प्रतियोगिताको मूल्याङ्कन कसरी गरिन्छ?

विषयसँगको सम्बन्ध, मौलिकता र सृजनशीलता, भाषा स्पष्टता र संरचना, गहिरो विश्लेषण र प्रभावकारिता लगायतका आधारमा लेखहरू मूल्याङ्कन गरिन्छ।

६. मुख्य पुरस्कार के हो?

सबैभन्दा उत्कृष्ट लेखका लागि नयाँ एन्ड्रोइड स्मार्टफोन पुरस्कार स्वरूप दिइनेछ। साथै, अन्य ९  लेखहरूलाई सम्मानपत्र, प्रकाशन र सामाजिक सञ्जालमा पोस्ट गरिनेछ।

७. म कसरी लेख बुझाउन सक्छु ?

पहिले बिराटइन्फो वेबसाइटमा दर्ता वा लगइन गर्नुहोस्। प्रोफाइल र लेखक परिचय पूरा गरी “लेख बुझाउनुहोस्” सेक्सनमा जानुहोस्। विषय र भाषा छान्नुस्, लेख र आवश्यक तस्वीरहरू अपलोड गरी समीक्षा लागि बुझाउनुहोस्।

बिस्तृत जनाकारी को लागि भिडियो हेर्नुहोस :

८. के म लेखसँग तस्वीरहरू पनि अपलोड गर्न सक्छु?

सकिन्छ, आफैले लिएको वा खिचेको तस्बिर वा Unsplash, Pexels जस्ता रोयल्टी-फ्री तस्बिरहरू प्रयोग गर्न सक्नुहुन्छ। तस्बिर आफैले खिचेको भए अझ राम्रो।  

९. के सहभागीहरूका लागि कुनै तालिम वा मार्गदर्शन उपलब्ध छ?

प्रत्येक दिन साँझ को ८ बजे देखि ८:४५ सम्म ( आइतवार - शुक्रबार ) डिजिटल जर्नालिजमको अनलाइन कक्षामा समेत समाबेस हुन सकिनेछ।    

गुगल मिट भर्चुअल लिंक : https://meet.google.com/tat-vvcq-pzu

११. के म कागजमा लेखेर पनि आवेदन दिन सक्छु?

सकिदैन

१२. हामी कसरी एकअर्कासँग कुराकानी गर्न सक्छौं?

हामी तपाईंलाई www.biratinfo.com मा एकाउन्ट बनाउदा गर्दा प्रयोग गरिएको तपाईंको इमेल ठेगाना मार्फत सम्पर्क गर्छौं। अनि हामीलाई सम्बन्धित इमेल मार्फत contest@biratinfo.com मा सम्पर्क गर्न सकिनेछ।  

१३. प्रायोजित विज्ञापन भनेको के हो? मलाई त्यसको के आवश्यकता छ?
प्रायोजित विज्ञापनले लेखसँग सम्बन्धित खाली ठाउँमा राखिने तस्बिर वा ब्यानर हो। तपाईँले यसमा केही गर्न आवश्यक छैन, हाम्रो टिमले प्रायोजक संस्थाहरुवाट आवश्यक बिज्ञापनहरु राख्नेछ।

१४. के मेरो लेख बिराटइन्फोका विभिन्न नेटवर्कहरूमा प्रकाशित हुन्छ?
यो तपाईँको लेखको मौलिकता र गुणस्तरमा निर्भर गर्छ।